قازاقستان رەسپۋبليكاسى ۇلتتىق ەكونوميكا مينيسترلىگىنىڭ بۇيرىعى №268 

  2016 جىلعى 17 ماۋسىم ,استانا قالاسى كۋرورتولوگيا عىلىمي ورتالىقتارىنىڭ تابيعي مينەرالدى سۋلاردى پايدالانۋعا بالنەولوگيالىق قورىتىندىلار بەرۋ قاعيدالارىن بەكىتۋ تۋرالى «تاماق ونىمدەرىنىڭ قاۋىپسىزدىگى تۋرالى» 2007 جىلعى 21 شىلدەدەگى قازاقستان رەسپۋبليكاسى زاڭىنىڭ 6-بابى 2-تارماعىنىڭ 14) تارماقشاسىنا سايكەس بۇيىرامىن: 1. قوسا بەرىلىپ وتىرعان كۋرورتولوگيا عىلىمي ورتالىقتارىنىڭ تابيعي مينەرالدى سۋلاردى پايدالانۋعا بالنەولوگيالىق قورىتىندىلار بەرۋ قاعيدالارى بەكىتىلسىن. 2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ باسپا جانە ەلەكتروندىق تۇردە مەرزىمدى باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالانۋعا, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرىلۋىن; 3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ ينتەرنەت-رەسۋرسىندا ورنالاستىرىلۋىن; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ زاڭ دەپارتامەنتىنە ۇسىنىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ۇلتتىق ەكونوميكا ءمينيسترىنىڭ مىندەتىن اتقارۋشى م.قۇسايىنوۆ قازاقستان رەسپۋبليكاسى ۇلتتىق ەكونوميكا ءمينيسترىنىڭ مىندەتىن اتقارۋشىنىڭ 2016 جىلعى 17 ماۋسىمداعى №268 بۇيرىعىمەن بەكiتiلگەن كۋرورتولوگيا عىلىمي ورتالىقتارىنىڭ تابيعي مينەرالدى سۋلاردى پايدالانۋعا بالنەولوگيالىق قورىتىندىلار بەرۋ قاعيدالارى تاراۋ 1. جالپى ەرەجەلەر 1. وسى كۋرورتولوگيا عىلىمي ورتالىقتارىنىڭ تابيعي مينەرالدى سۋلاردى پايدالانۋعا بالنەولوگيالىق قورىتىندىلار بەرۋ قاعيدالارى (بۇدان ءارى – قاعيدالار) «تاماق ونىمدەرىنىڭ قاۋىپسىزدىگى تۋرالى» 2007 جىلعى 21 شىلدەدەگى قازاقستان رەسپۋبليكاسىنىڭ زاڭىنا سايكەس ازىرلەندى جانە كۋرورتولوگيا عىلىمي ورتالىقتارىنىڭ تابيعي مينەرالدى سۋلاردى پايدالانۋعا بالنەولوگيالىق قورىتىندىلار بەرۋ ءتارتىبىن ايقىندايدى. 2. قاعيدالار قازاقستان رەسپۋبليكاسىنىڭ اۋماعىندا وندىرىلەتىن ەمدىك جانە ەمدىك-اسحانالىق تابيعي مينەرالدى سۋلارعا (بۇدان ءارى – ەمدىك سۋلار), قازاقستان رەسپۋبليكاسىنىڭ اۋماعىنا يمپورتتالاتىن ەمدىك سۋلارعا قولدانىلادى جانە ۆەدومcتۆولىق تيىستىلىگى مەن مەنشىك نىسانىنا قاراماستان, ەمدىك سۋلاردى وندىرۋمەن جانە (نەمەسە) وتكىزۋمەن اينالىساتىن جەكە جانە زاڭدى تۇلعالارعا بالنەولوگيالىق قورىتىندىلار بەرۋدى جۇزەگە اسىراتىن كۋرورتولوگيا عىلىمي ورتالىقتارىنا ارنالعان. 3. قاعيدالار اۋىز سۋلارعا قولدانىلمايدى. 4. وسى قاعيدالاردا پايدالانىلاتىن تەرميندەر مەن انىقتامالار: 1) بالنەولوگيالىق قورىتىندى –كۋرورتولوگيا عىلىمي ورتالىقتارى بەرەتىن تابيعي ەمدىك رەسۋرستاردىڭ قۇرامى مەن قاسيەتتەرىن مەديتسينالىق-بيولوگيالىق, ورگانو­لەپتيكالىق, ميكروبيولوگيالىق, سانيتاريالىق-حيميالىق, توكسيكولوگيالىق, راديولوگيالىق زەرتتەۋلەر نەگىزىندە ولاردى ەمدەۋ, مەديتسينالىق وڭالتۋ جانە اۋرۋلاردىڭ الدىن الۋ ماقساتىندا پايدالانۋ مۇمكىندىگى تۋرالى قۇجات; 2) تاپسىرىس بەرۋشى – سۋ كوزىنە بالنەولوگيالىق قورى­تىندىلاردى الۋ ءۇشىن كۋرورتولوگيا عىلىمي ورتالىقتارىنا باستاماشىلىق تارتىپپەن جۇگىنگەن, ونى قارجىلاندىرۋدى جۇزەگە اسىراتىن, سونداي-اق وسى قاعيدالاردا بەلگىلەنگەن تارتىپپەن قاجەتتى قۇجاتتامالاردى ۇسىناتىن جەكە جانە (نەمەسە) زاڭدى تۇلعالار. تاراۋ 2. بالنەولوگيالىق قورىتىندىلار بەرۋ ءتارتىبى 5. ەمدىك سۋلاردى پايدالانۋعا بالنەولوگيالىق قورىتىن­دىلار بەرۋ جەكە جانە زاڭدى تۇلعالاردىڭ وتىنىشتەرى بويىنشا سۋدىڭ ەمدىك قاسيەتتەرىن مەديتسينالىق-بيولوگيا­لىق باعالاۋ, ەمدىك سۋدىڭ ورگانولەپتيكالىق, ميكروبيو­لو­گيالىق, سانيتاريالىق-حيميالىق, توكسيكولوگيالىق جانە راديولوگيالىق كورسەتكىشتەرىنە سانيتاريالىق-ەپيدەميو­لوگيالىق ساراپتامانىڭ وڭ ناتيجەلەرى نەگىزىندە جۇرگىزىلەدى. ەمدىك سۋلاردى مەديتسينالىق-بيولوگيالىق باعالاۋ كلينيكاعا دەيىنگى جانە كلينيكالىق زەرتتەۋلەردى جۇزەگە اسىراتىن مامانداندىرىلعان عىلىمي مەكەمەلەردىڭ جانە (نەمەسە) ۇيىمداردىڭ بازالارىندا ورىندالعان كلينيكاعا دەيىنگى جانە كلينيكالىق زەرتتەۋلەردىڭ ناتيجەلەرى بويىنشا بەرىلەدى. 6. ەمدىك سۋلاردى پايدالانۋعا بالنەولوگيالىق قورى­تىن­دىلار بەرۋدى وسى قاعيدالاردا ايقىندالاتىن تارتىپپەن كۋرورتولوگيا عىلىمي ورتالىقتارى (بۇدان ءارى – ورىنداۋشى) جۇزەگە اسىرادى. 7. بالنەولوگيالىق قورىتىندىلاردى الۋ ءۇشىن تاپسىرىس بەرۋشى ورىنداۋشىعا مىناداي قۇجاتتاردى: 1) ەمدىك سۋدى پايدالانۋدىڭ نەگىزگى ماقساتى كورسەتىلە وتىرىپ, ەركىن نىساندا جازىلعان ءوتىنىشتى; 2) پايدالانۋ ۇڭعىماسىنا گيدروگەولوگيالىق پاسپورتتى; 3) سۋ تۇتقىش قاباتىنىڭ تەرەڭدىگىن, سۋدىڭ مولدىعىن (پايدالانىلاتىن قورلاردى) كورسەتە وتىرىپ, جەراستى سۋلارىنىڭ گيدروديناميكالىق جانە گيدروحيميالىق رەجيمىن سيپاتتاي, سانيتاريالىق قورعانىش ايماقتارىن ەسەپتەي جانە نەگىزدەي وتىرىپ, ەمدىك نەمەسە ەمدىك-اسحانالىق تابيعي مينەرالدى سۋلاردىڭ گيدروگەولوگيالىق جاعدايلارى تۋرالى مالىمەتتەردى; 4) ەمدىك سۋدىڭ ورگانولەپتيكالىق, ميكروبيولوگيالىق, سانيتاريالىق-حيميالىق, توكسيكولوگيالىق جانە راديا­تسيالىق كورسەتكىشتەرىنە سانيتاريالىق-ەپيدەميولوگيالىق ساراپتاما ناتيجەلەرىن; 5) كلينيكالىق بازانىڭ باسشىسى, جاۋاپتى ورىنداۋشى قول قويعان جانە ۇيىمنىڭ مورىمەن راستالعان ەمدىك سۋدى مەديتسينالىق-بيولوگيالىق باعالاۋ بويىنشا عىلىمي-زەرتتەۋ جۇمىسى تۋرالى ەسەپتى; 6) «مينەرالدى تابيعي ەمدىك-اسحانالىق اۋىز سۋى جانە ەمدىك سۋلار. جالپى تەحنيكالىق شارتتار» قر ست 452-2002 قازاقستان رەسپۋبليكاسىنىڭ مەملەكەتتىك ستاندارتىنا سايكەس تەحنولوگيالىق نۇسقاۋلىقتى; 7) جەر قويناۋىن پايدالانۋ بويىنشا وپەراتسيالار جۇرگىزۋگە ارنالعان كەلىسىمشارتتىڭ نەمەسە ەمدىك سۋلاردىڭ كەن ورىندارىندا ارنايى سۋ پايدالانۋعا ارنالعان رۇقساتتىڭ كوشىرمەسىن; 8) ەگەر تاپسىرىس بەرۋشى جەر قويناۋىن پايدالانۋشى بولىپ تابىلماعان جاعدايدا, قايتالاما سۋ پايدالانۋعا ارنالعان شارتتى; 9) حالىقتىڭ سانيتاريالىق-ەپيدەميولوگيالىق سالا­ماتتىلىعى سالاسىنداعى مەملەكەتتىك ورگان ۆەدومستۆوسىنىڭ اۋماقتىق بولىمشەسى بەرگەن كەن ورىندارىنىڭ سانيتاريالىق قورعانىش ايماقتارى اۋماقتارىنىڭ سانيتاريالىق-ەپيدەميولوگيالىق جاي-كۇيى تۋرالى قورىتىندىنى جىبەرەدى. 8. تاپسىرىس بەرۋشىنىڭ ەمدىك سۋلاردىڭ كەن ورىندارى, سۋدىڭ ساپاسى مەن قاسيەتتەرى تۋرالى قوسىمشا مالىمەت­تەر بەرۋى قاجەت بولعان جاعدايدا, ورىنداۋشى تاپسىرىس بەرۋشىگە الدىن الا بەرىلگەن بالنەولوگيالىق قورىتىندى­لار دەرەكتەرىمەن تانىسۋعا مۇمكىندىك بەرەدى. 9. وسى قاعيدالاردىڭ 7-تارماعىندا كورسەتىلگەن قۇجاتتاردىڭ توپتاماسىن تولىق ۇسىنباۋ ولاردى 5 جۇمىس كۇنى ىشىندە تاپسىرىس بەرۋشىگە پىسىقتاۋعا قايتارۋ ءۇشىن نەگىز بولىپ تابىلادى. 10. ۇسىنىلعان ماتەريالدار نەگىزىندە ورىنداۋشى تاپ­سىر­­­مالاردىڭ تالاپتارىنا جانە جۇرگىزۋ مەرزىمدەرىنە سايكەس وعان بەرىلگەن ساراپتاما وبەكتىلەرىن زەردەلەيدى جانە باعالايدى. 11. بالنەولوگيالىق قورىتىندىلاردا: جەراستى نەمەسە جەرۇستى كوزدەرىنىڭ (ۇڭعىمانىڭ, بۇلاقتىڭ, سۋ ايدى­نىنىڭ) ءنومىرى نەمەسە اتى; كەن ورىندارىنىڭ اتى جانە كوزدەردىڭ ورنالاسقان جەرى; ولاردىڭ نەگىزىندە قورىتىندى جاسالعان قۇجاتتار مەن زەرتتەۋلەردىڭ تىزبەسى; ەمدىك سۋلار كوزدەرىنىڭ گيدروگەولوگيالىق جاعدايلارى, سۋ تۇتقىش قاباتىنىڭ تەرەڭدىگى, سۋ سىيدىراتىن جىنىستاردىڭ ليتولوگيالىق قۇرامى تۋرالى قىسقاشا اقپارات; كوزدىڭ كاپتاجى, سۋدى كوتەرۋ قۇرالدارى, سۋدى ءوندىرۋدىڭ جانە وڭدەۋدىڭ تەحنولوگيالىق سحەماسى تۋرالى مالىمەتتەر; نەگىزگى يوندىق قۇرامىن جانە قۇرامىنداعى بيولوگيالىق بەلسەندى ەلەمەنتتەردى كورسەتە وتىرىپ, سۋدىڭ حيميالىق قۇرامى تۋرالى مالىمەتتەر; سۋدىڭ بالنەولوگيالىق توبىن جانە گيدروحيميالىق تيپىنە ارنالعان نۇسقاۋ; اۋرۋلاردىڭ حالىقارالىق جىكتەمەسىنە (احج-10) سايكەس مەديتسينالىق كورسەتىلىمدەر جانە قارسى كورسەتىلىمدەر, ەگەر مۇندايلار بەلگىلەنسە جاناما اسەرلەر; ءارتۇرلى اۋرۋلاردى ەمدەۋ كەزىندە سۋدى قولدانۋ ادىستەمەسى; سۋدى ىشكە نەمەسە سىرتقا قولدانۋ كەزىندە ەمدەۋدىڭ سارالانعان ادىستەمەلەرىن ازىرلەۋگە ارنالعان نۇسقاۋلار قامتىلادى. 12. قۇجاتتاردى جانە ۇلگىلەردى قاراۋ ناتيجەلەرى بويىنشا ورىنداۋشى تاپسىرىس بەرۋشىگە بالنەولوگيالىق قورىتىندىلار بەرەدى, ماتەريالداردى پىسىقتاۋعا قايتارادى نەمەسە سۋدىڭ بالنەولوگيالىق قاسيەتتەرىنىڭ جوق ەكەندىگى تۋرالى دالەلدى جاۋاپ جىبەرەدى. 13. مىناداي: 1) تاپسىرىس بەرۋشى انىق ەمەس مالىمەتتەر ۇسىنعان; 2) تاپسىرىس بەرۋشى ەمدىك سۋلاردىڭ قاۋىپسىزدىگىن ايقىنداۋ جانە ونى مەديتسينالىق-بيولوگيالىق باعالاۋ ءۇشىن قاجەتتى سىناقتاردى جۇرگىزۋدەن باس تارتقان; 3) ەمدىك سۋلاردىڭ سانيتاريالىق-ەپيدەميولوگيالىق ساراپتاماسىنىڭ ناتيجەلەرى بويىنشا قاۋىپسىزدىك كورسەتكىشتەرى سايكەس كەلمەگەن جانە (نەمەسە) سۋدىڭ ەمدىك قاسيەتتەرى بولماعان; 4) ەگەر ەمدىك سۋلارعا جانە ونى دايىنداۋ جاعدايلارىنا قاتىستى قاۋىپسىزدىك تالاپتارى بەلگىلەنبەگەن, ەمدىك سۋدا جانە قورشاعان ورتادا قاۋىپتى فاكتورلاردى ايقىنداۋ جانە ولشەۋ ادىستەمەلەرى بولماعان; 5) ەمدىك سۋلاردى ءوندىرۋ, قولدانۋ (پايدالانۋ) كەزىندە ولاردىڭ ادام دەنساۋلىعىنا زياندى اسەرىن بولدىرماۋ جونىندە ءتيىمدى شارالار بولماعان نەمەسە بۇل شارالار قامتاماسىز ەتىلە الماعان جاعدايلاردا بالنەولوگيالىق قورىتىندىلار بەرىلمەيدى. 14. ورىنداۋشى بەرگەن بالنەولوگيالىق قورىتى­ن­دىلاردى تىركەۋ وسى قاعيدالارعا قوسىمشاعا سايكەس نىسان بويىنشا بالنەولوگيالىق قورىتىندىلاردى تىركەۋ جۋرنالىندا جۇرگىزىلەدى. 15. بالنەولوگيالىق قورىتىندىلار ىدىستارعا قۇيىل­عانداردى قوسا العاندا, ىشكە قولدانۋعا ارنالعان ەمدىك سۋلارعا 5 جىل, ساۋىقتىرۋ ۇيىمدارىندا (ساۋىقتىرۋ ورىندا­رىندا, ساناتوريلەردە, كۋرورتتاردا) پايدالانىلاتىن سىرتقا قولدانۋعا ارنالعان ەمدىك سۋلارعا 10 جىل مەرزىمگە بەرىلەدى. بالنەولوگيالىق قورىتىندىلاردىڭ قولدانىلۋ مەرزىمى اياقتال­عاننان كەيىن جانە قىزمەتىن جالعاستىرعان جاعداي­دا, تاپسىرىس بەرۋشى وسى قاعيدالاردىڭ 7-تارماعىندا كورسە­تىلگەن قۇجاتتاردى ۇسىنا وتىرىپ, قورىتىندىنى ۇزارتۋعا ءوتىنىش بەرەدى. 16. ەمدىك سۋلاردى پايدالانۋعا بالنەولوگيالىق قورى­تىندى بەرۋ جانە ونى ۇزارتۋ ءۇشىن ورىنداۋشىنىڭ قۇجاتتاردى قاراۋ مەرزىمى قۇجاتتار كەلىپ تۇسكەن كۇننەن باستاپ ءبىر ايدان اسپايدى. وسى قاعيدالاردىڭ 8-تارماعىندا كوزدەلگەن جاع­دايلاردا, قاراۋ مەرزىمى ۇزارتىلادى, بىراق ءۇش ايدان اسپايدى. 17. قايتادان قاراۋ كەزىندە بالنەولوگيالىق قورىتىن­دى­لار بەرۋ مەرزىمى ورىنداۋشىعا قۇجاتتاردى تاپسىرعان كۇن­نەن باستاپ 15 جۇمىس كۇنىنەن اسپايتىن مەرزىمگە بەلگىلەنەدى. 18. بالنەولوگيالىق قورىتىندىلاردىڭ قولدانىلۋىن تۇتىنۋشىلارعا وتكىزىلەتىن ونىمدەر مەن كورسەتىلەتىن قىزمەتتەر بويىنشا, سونداي-اق تاماق ونىمدەرىنىڭ قاۋىپسىزدىگى سالاسىنداعى تەحنيكالىق رەگلامەنتتەردە جانە نورماتيۆتىك قۇجاتتاردا بەلگىلەنگەن تالاپتاردىڭ ساقتالۋىن باقىلاۋ جانە قاداعالاۋ فۋنكتسيالارىن جۇزەگە اسىراتىن حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگاننىڭ ۆەدومستۆوسى مىناداي: 1) ەمدىك سۋدى ءوندىرۋ نەمەسە قولدانۋ كەزىندە ونىڭ كەرى جانە (نەمەسە) جاناما اسەرلەرى, بۇرىن ءمالىم بولماعان قاۋىپتى قاسيەتتەرى تۋرالى قوسىمشا مالىمەتتەر العان; 2) تاپسىرىس بەرۋشى سانيتاريالىق-ەپيدەميولوگيالىق نورمالاۋدىڭ مەملەكەتتىك جۇيەسىنىڭ قۇجاتتارىندا كوزدەلگەن تالاپتاردى بۇزعان جاعدايلاردا, ونىڭ ىسكە اسىرىلۋ ساتىسىندا 6 ايعا دەيىنگى مەرزىمگە توقتاتا تۇرادى. كۋرورتولوگيا عىلىمي ورتالىقتارىنىڭ تابيعي مينەرالدى سۋلاردى پايدالانۋعا بالنەولوگيالىق قورىتىندىلار بەرۋ قاعيدالارىنا قوسىمشا نىسان بالنەولوگيالىق قورىتىندىلاردى تىركەۋ جۋرنالى ر/س № بلانكتىڭ № ءوتىنىشتى قابىلداۋ كۇنى كىمگە بەرىلدى مەكەنجايى قورىتىندىنىڭ مازمۇنى قورىتىندىنى بەرۋ كۇنى 1 2 3 4 5 6 7 بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 22 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13965 بولىپ ەنگىزىلدى.